თურქეთი მზადაა, წვლილი შეიტანოს რუსეთში სიტუაციის დარეგულირებაში, განაცხადა პრეზიდენტმა რეჯეფ თაიფ ერდოღანმა რუს კოლეგა ვლადიმერ პუტინთან სატელეფონო საუბარში.
“მოლაპარაკებების დროს განიხილეს რუსეთში ბოლო მოვლენები. პრეზიდენტმა ერდოღანმა თქვა, რომ ჩვენ, როგორც თურქეთი, მზად ვართ, წვლილი შევიტანოთ მოვლენების სწრაფად მოგვარებაში მშვიდობისა და სიმშვიდის პირობებში”, – განაცხადა თურქეთის პრეზიდენტის ოფისმა.
ერდოღანმა ასევე ხაზგასმით აღნიშნა, რომ მნიშვნელოვანია საღი აზრით მოქმედება. მისი თქმით, რუსეთში განვითარებული მოვლენებით არავის არ უნდა ჰქონდეს სარგებელი.
ინფორმაციას რუსული სააგენტო “რია ნოვოსტი” ავრცელებს.