დიდუბის რაიონის გამგეობა, ცხოვრების ჯანსაღი წესის პოპულარიზაციის მიზნით, რაიონში მცხოვრები ახალგაზრდებისთვის სპორტული ღონისძიებების ჩატარებას განაგრძობს.
თბილისის მერიის ა(ა)იპ ფეხბურთის სპორტულ ცენტრ „იმედში“ მინი ფეხბურთის ტურნირი „დიდუბე 2023“ გაიმართა.
ღონისძიება ხუთი დღის განმავლობაში მიმდინარეობდა და მასში დიდუბის რაიონში მცხოვრები და რეგისტრირებული ახალგაზრდებისგან დაკომპლექტებული ათი გუნდი მონაწილეობდა.
მატჩების მიმდინარეობისას I, II და III ადგილებზე გასული გუნდები გამოვლინდნენ. პირველი ადგილის მოპოვება გუნდმა „სუკონკამ“ მოახერხა, ხოლო მეორე და მესამე ადგილებზე გუნდები „ სეტი“ და „შავი მარგალიტი“ გავიდნენ.
ფინალურ მატჩში ასევე გამოვლინდნენ საუკეთესო მოთამაშე, მეკარე და ბომბარდირი.
გამარჯვებულ გუნდებსა და ფეხბურთელებს დიდუბის რაიონის გამგეობისგან თასები, სიგელები, მედლები და სპორტული მაღაზიის ვაუჩერები გადაეცათ.