ძნელია წინასწარ იმის თქმა, როგორი იქნება პოლიტიკური გადაწყვეტილება და რა იქნება იმ მომენტში გადამწყვეტი – ჩვენი კარგად შესრულებული რეკომენდაციები თუ სხვა გარემოებები პოლიტიკურ ველზე, – ამის შესახებ პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილმა „ქრონიკაში“ კანდიდატის სტატუსის მინიჭებასთან დაკავშირებით განაცხადა.
„ევროკავშირის წევრ ქვეყნებთან ინტენსიური კომუნიკაცია გვაქვს. სხვადასხვაგვარად შეიძლება შეფასდეს, რომელი წევრი სახელმწიფო რას დაეფუძნება. არიან წვერი ქვეყნები, რომლებიც პირდაპირ ამბობენ, რომ ჩვენთვის გადამწყვეტი იქნება ჩვენი პოზიციის ჩამოყალიბებაში ის, თუ რას იტყვის ევროკომისია. არიან წევრი ქვეყნები, რომლებიც სხვადასხვა ფაქტორს ითვალისწინებენ“, – აღნიშნა მაკა ბოჭორიშვილმა.