თემურ ჭყონია განმარტავს, თუ რატომ წაშალა მაკდონალდსმა პირველი განცხადება, რომელშიც ბოდიშს იხდიდა იმ ბროშურის გამო, სადაც ელტონ ჯონზე და მის ცხოვრებაზე ეწერა. ჭყონიას თქმით, განცხადება მასთან არ იყო შეთანხმებული და ეს იყო დირექტორის “კატასტროფული გადაწყვეტილება”.
“ჩემთან შეთანხმებული არ იყო. არაფერი საბოდიშო არ არის იმაში, რასაც გლობალური მაკდონალდსი აკეთებს. არც ვიცოდი ამ განცხადების შესახებ, შეხვედრაზე ვიყავი, გული კინაღამ გამისკდა. რა დღეში ჩამაგდეს…
განცხადებაში არც ახსნა არ იყო საჭირო – ვის რას უხსნი, რომ ელტონ ჯონი გენიალურია, ამას უხსნი?!. ეს არ არის მოქალაქეობრივი პოზიცია, ერთ დღეს აკეთებდე ერთს და მეორე დღეს იხდიდე ბოდიშს – არაფერი ბოდიშის მოსახდელი არ არის, უბრალოდ, ზოგს უნდა გაიგოს, რომ პროპაგანდაა…
მე შეურაცხყოფილი ვარ, როგორ გადავიტან ამ თემას, არ ვიცი“, – ამბობს ჭყონია რადიო “თავისუფლებასთან”.
იხილეთ მაკდონალდსის პირველი განცხადება და ბოდიში, რომელიც წააშლევინეს:
ბოდიშის მოხდის შემდეგ, “მაკდონალდს საქართველო”-ს გვერდზე განცხადება წაიშალა