დღეს „ნაცმოძრაობა“ ვითომ აღარ უჭერს მხარს პერსონალიზებულ მიდგომას, სინამდვილეში მათ დღემდე აქვთ დაინიცირებული კანონპროექტი, რომელიც ითვალისწინებს სწორედ პერსონალიზებულ მიდგომას – ამის შესახებ ჟურნალისტებს „ქართული ოცნების“ თავმჯდომარემ, ირაკლი კობახიძემ განუცხადა.
მისი თქმით, გაუგებარია, თან აკრიტიკებ პერსონალიზებულ მიდგომას და თან თვითონ გაქვს დაინიცირებული კანონპროექტი პერსონალიზებული მიდგომით – აქ არის კონკრეტული პოლიტიკური ინტერესი.
„საინტერესოა, დღეს ნაცმოძრაობა ვითომ აღარ უჭერს მხარს პერსონალიზებულ მიდგომას, სინამდვილეში მათ დღემდე აქვთ დაინიცირებული კანონპროექტი, რომელიც ითვალისწინებს სწორედ პერსონალიზებულ მიდგომას. აქაც გაიჭედნენ. საბოლოო ჯამში გამოდის, რომ ერთ მხარეს არის ევროკომისიის რეკომენდაცია, მეორე მხარეს – ვენეციის კომისიის პოზიცია, მესამე მხარეს – „ნაცმოძრაობის“ პოზიცია. ისინი თან ამბობენ, რომ ერთმანეთთან არის თანხვედრაში ეს პოზიციები, თან გამოდის, რომ სხვადასხვა მხარეს არიან. გაუგებარია, თან აკრიტიკებ პერსონალიზებულ მიდგომას და თან თვითონ გაქვს დაინიცირებული კანონპროექტი პერსონალიზებული მიდგომით. თავადაც ხედავთ, რომ აქ არის კონკრეტული პოლიტიკური ინტერესი“, – განაცხადა ირაკლი კობახიძემ.