2023 წლის 11 ივნისიდან ხელვაჩაურის მუნიციპალიტეტში სამოყვარულო საფეხბურთო ჩემპიონატი “მოყვარულთა ლიგა 2023” დაიწყო
ჩემპიონატის ფარგლებში, ჭარნალის საფეხბურთო მოედანზე, მუნიციპალური ეტაპის თამაშები და ნახევარფინალები ჩატარდა.
,,მოყვარულთა ლიგა“ 2023 3 ეტაპად ტარდება: მუნიციპალური, რეგიონალური და ფინალური. გამარჯვებული გუნდი რეგიონალურ ეტაპზე მიიღებს მონაწილეობას.
ჩემპიონატში სულ ჩართულია 7 გუნდი: თხილნარის, ჭარნალის, მახინჯაურის, ახალშენის, ფერიის, აჭარისწყლისა და კირნათის. ჩემპიონატი საქართველოს სამოყვარულო ფეხბურთის ასოციაციისა და საქართველოს ფეხბურთის ფედერაციის ერთობილივი ორგანიზებით ტარდება. მისი მიზანი სოფლებში ახალგაზრდების ჩართულობა, ცხოვრების ჯანსაღი წესის დამკვიდრება და ზოგადად ფეხბურთის პოპულარიზაციაა.