ხელვაჩაურის მუნიციპალიტეტის ტერიტორიაზე, ინფრასტრუქტურული სამუშაოები, აქტიურ რეჟიმში გრძელდება.
ხელვაჩაურის მუნიციპალიტეტის მერმა, ზაზა დიასამიძემ, სოფელ კირნათში, ადმინისტრაციული შენობის მშენებლობა და მიმდებარე ტერიტორიის კეთილმოწყობის სამუშაოები დაათვალიერა.
მშენებლობა დასრულების ფაზაშია. პროექტის ღირებულება 1644 444 ლარს შეადგენს.
მუნიციპალიტეტის მერთან ერთად, მუნიციპალიტეტის საკრებულოს თავმჯდომარე, თენგიზ ირემაძე და სამსახურის წარმომადგენლები იმყოფებოდნენ.