დიდუბის რაიონის გამგეობა ე.წ. „კარაჩაროვის“ ლიფტების თანამედროვე ლიფტებით ჩანაცვლების პროექტს აქტიურად განაგრძობს.
„ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, დიღმის მასივის მეორე კვარტლის მე-7 ა კორპუსში ე.წ. „კარაჩაროვის“ ლიფტი თანამედროვე ლიფტით ჩანაცვლდება. ამორტიზებული ლიფტი მოსახლეობას წლების განმავლობაში საფრთხესა და დისკომფორტს უქმნიდა.
დიდუბის რაიონის გამგეობის დაკვეთით მიმდინარე პროექტს ტენდერში გამარჯვებული კომპანია 48 836 ლარის ღირებულების ფარგლებში ასრულებს.
მიმდინარე წელს დიდუბის რაიონის გამგეობამ ანალოგიური პროექტი სამ ამხანაგობაში – დიღმის მასივის მესამე კვარტლის მე-17 კორპუსში, ასევე, პირველი და მეოთხე კვარტლების პირველ ა კორპუსებში განახორციელა, რისთვისაც ადგილობრივი ბიუჯეტიდან 146 508 ლარი დაიხარჯა.
აღნიშნულ სამუშაოებს დიდუბის რაიონის გამგებელი ვლადიმერ ძნელაძე გაეცნო და ადგილობრივ მოსახლეობას შეხვდა.