აკაკი წერეთლის გამზირის სრული რეაბილიტაციის პარალელურად, N103-ში ავტოფარეხების დემონტაჟი მიმდინარეობს, რის შემდგომაც აღნიშნულ ტერიტორიაზე მოსასვენებელი სივრცე მოეწყობა. ჯამში, 14 ავტოფარეხის დემონტაჟი მოხდება და მოსახლეობასთან შეთანხმებული პროექტის მიხედვით, მოსასვენებელი სივრცის მშენებლობა დაიწყება.
მიმდინარე პროცესს დიდუბის რაიონის გამგებელი ვლადიმერ ძნელაძე, მოადგილე ზურაბ უგულავასა და დიდუბის საუბნო განყოფილების წარმომადგენლებთან ერთად გაეცნო.