დიდუბის რაიონის გამგეობა ბინათმესაკუთრეთა ამხანაგობებში საერთო სარგებლობის ინფრასტრუქტურის მოწესრიგებას განაგრძობს.
ამ ეტაპზე, მაიაკოვსკის ქუჩის N4-ში მდებარე სახლის სადარბაზოს სარემონტო სამუშაოები ჩაუტარდა. შეიცვალა კიბის საფეხურები, დამონტაჟდა უსაფრთხოების მოაჯირები, დაიგო ფილები, ასევე კედლები დამუშავდა და შეიღება. სამუშაოები ტენდერში გამარჯვებულმა კომპანიამ „ბრს თბილისი“ 82 638 ლარის ღირებულების ფარგლებში შეასრულა.
ამასთან, დიდუბის რაიონის გამგეობა წყალსადენისა და წყალარინების ქსელის რეაბილიტაციას, კორპუსის სახურავების შეკეთებასა და ამორტიზებული ლიფტების შეცვლის სამუშაოებს აქტიურად ახორციელებს.