“ერთიანი ნაციონალური მოძრაობა” მუშაობის განსაკუთრებულ რეჟიმზე გადადის”, – ამის შესახებ პარტიის თავმჯდომარემ, ლევან ხაბეიშვილმა ყვარელში, პოლიტსაბჭოს სხდომის დასრულების შემდეგ განაცხადა.
მისი განმარტებით, რეგიონებში ჩამოყალიბდება ლოჯისტიკური ცენტრები, იქნება რეგიონული შეხვედრები და საპროტესტო აქციები, რომლის მთავარი მიზანიც საზოგადოების გაერთიანება იქნება.
დღევანდელ პოლიტსაბჭოს სხდომაზე განსახილველ თემებს შორის იყო მიხეილ სააკაშვილის გათავისუფლების საკითხი, ქვეყნის ევროინტეგრაციის ისტორიული შანსი, რუსული საფრთხეები და მათი აცილების პოლიტიკა.
ყვარელში, მიხეილ სააკაშვილის საკარმიდამოში, “ნაციონალური მოძრაობის” პოლიტსაბჭოს სხდომა დაახლოებით 2 საათს გაგრძელდა, რომელსაც პოლიტსაბჭოს 84 წევრი და პარტიის სამდივნოს წევრები ესწრებოდნენ.