თუ კი სასამართლოს სტიგმატიზაციის კამპანიას, კლანი და ა.შ., არ უერთდება ადამიანი ასეთი კანდიდატი აბსოლუტურად მიუღებელია რადიკალური ოპოზიციისთვის, – ამის შესახებ პარტია „ქართული ოცნების“ თავმჯდომარემ ირაკლი კობახიძემ განაცხადა.
„სინამდვილეში ასეთი კამპანიები, სტიგმატიზაციის მცდელობები, კლანზე საუბარი და ა.შ. არის მთლიანად მართული რადიკალური ოპოზიციის მიერ. მათ აწყობთ მხოლოდ ისეთი კანდიდატები, რომლებიც ჩაბმული იქნებიან ამ ანტისახელმწიფოებრივ კამპანიაში. ვინც არ ერთვება ამ კამპანიაში, ასეთი ადამიანები არიან მათთვის მიუღებლები. ჩვენთვის ეს დამოკიდებულება მიუღებელია. ჩვენ მხარს ვუჭერთ დამოუკიდებელ, მიუკერძოებელ პროფესიონალებს, რომლების უნდა იყვნენ წარმოდგენილები იუსტიციის უმაღლეს საბჭოში. „საერთაშორისო გამჭვირვალობა“ და „ნაციონალური მოძრაობა“ არის აბსოლუტურად ერთი და იგივე, ორივე არის უცხოელი აგენტი და ემსახურება არა საკუთარ ქვეყანას, არამედ უცხოელ ძალებს“, – განაცხადა ირაკლი კობახიძემ.