IMG.GE IMG.GE

ორი დღის წინ, ინტერნეტში სავარაუდოდ, მიხეილ სააკაშვილისა და ზურაბ ადეიშვილის ჩანაწერი გავრცელდა, რომელშიც ისინი ნიკა გვარამიასა და ტელეწამყვან გიორგი გაბუნიაზე საუბრობენ.

„გვარამია ცოტა აფრენს, ნაბიჭვარი და ავადმყოფია, ყველაფერი ჩააგდო“, – ამბობს მიხეილ სააკაშვილი, აუდიოჩანაწერის მიხედვით.

ამავე ჩანაწერის მიხედვით, ადეიშვილი აცხადებს, რომ ნიკა გვარამიამ მას არ დაუჯერა, ნერვებმა უმტყუნა და უკრაინის სპეცსამსახურებზე ისაუბრა, რაც არ უნდა გაეკეთებინა.

უკრაინული ვებგვერდის მიერ გავრცელებული აუდიოჩანაწერში ასევე საუბარია ტელეწამყვან გიორგი გაბუნიაზე, რომელსაც მიხეილ სააკაშვილი არასტაბილურ და მშიშარა ადამიანად მოიხსენიებს.

აღსანიშნავია, რომ აქამდე გავრცელებულ სხვა ჩანაწერებს მიხეილ სააკაშვილიც და ნიკა გვარამიას უმალ ეხმიანებოდნენ და ამბობდნენ, რომ ეს იყო გაყალბებული და დამონტაჟებული, რაზეც ამ შემთხვევაში სააკაშვილს არანაირი კომენტარი არ გაუკეთებია, ნიკა გვარამიამ კი მცირედი კომენტარი გააკეთა და დაუშვა, რომ ჩანაწერი ნამდვილია, თუმცა დამონტაჟებული.

სააკაშვილის საეჭვო დუმილი შესაძლოა ცნობილი გამოთქმას დავუკავშიროთ და ვიფიქროთ, რომ დუმილი, მართლაც თანხმობის ნიშანია და ჩანაწერი სულაც არ არის დამონტაჟებული.

კომენტარის დატოვება
IMG.GE
გაზიარება