ვიზიარებ ვიქტორ სანეევის ოჯახის, ახლობლებისა და მეგობრების მწუხარებას – პრემიერი

119
წაკითხვა/ნახვა
mpn

მთავრობის მეთაური აღნიშნავს, რომ ვიქტორ სანეევმა თავისი მრავალწლიანი თავდაუზოგავი შრომითა და საკუთარი საქმის სიყვარულით საქართველოს მთელ მსოფლიოში გაუთქვა სახელი.

„მწუხარებას გამოვთქვამ გამოჩენილი ქართველი მძლეოსნის ვიქტორ სანეევის გარდაცვალების გამო. ვიქტორ სანეევმა თავისი მრავალწლიანი თავდაუზოგავი შრომითა და საკუთარი საქმის სიყვარულით სახელი გაუთქვა ჩვენ ქვეყანას მთელ მსოფლიოში.

სწორედ მისი შეუპოვარი სულის დამსახურებაა, რომ იგი გახდა სამგზის ოლიმპიური ჩემპიონი და ვერცხლის პრიზიორი, საერთაშორისო ჩემპიონატებში მრავალგზის გამარჯვებულის ტიტულის, არაერთი თასის, პრემიისა თუ ჯილდოს  მფლობელი და საქართველოს XX საუკუნის საუკეთესო სპორტსმენი – ოქროს პრიზიორი. 

 ვიზიარებ ვიქტორ სანეევის ოჯახის, ახლობლებისა და მეგობრების მწუხარებას და თანაგრძნობას ვუცხადებ ქართულ სპორტულ საზოგადოებას”,-ნათქვამია პრემიერ – მინისტრ ირაკლი ღარიბაშვილის განცხადებაში.

კომენტარები
mpn
მოწონება