დიდუბის რაიონის გამგეობა, რაიონის მასშტაბით, საგზაო ინფრასტრუქტურის მოწესრიგებას განაგრძობს. ამ დროისთვის, დიღმის მასივის მეორე, მესამე და მეხუთე კვარტლებში, ასევე, მიქელაძის, ლუბლიანასა და ბელიაშვილის ქუჩებზე ასფალტის საფარი 13 763 კვ.მ ფართობზე დაიგო.
სამუშაოები განხორციელდა: დიღმის მასივის მეორე კვარტლის მე-9, მე-17 და მე-19 კორპუსებთან, მესამე კვარტლის მე-3, მე-14 და 36-ე კორპუსებთან. დიღმის მასივის მეხუთე კვარტლის მე-16, 22-ე და 23-ე კორპუსებთან, ასევე, მიქელაძის ქუჩის N14-სა და 18-ში, ლუბლიანასა და ბელიაშვილის ქუჩების N38-ში ასფალტის საფარი მოწესრიგდა. თითოეულ მისამართზე, ასფალტის დაზიანებული ფენა მოიხსნა, განხორციელდა ამორტიზებული ტროტუარისა და ბორდიურის დემონტაჟი, ამის შემდგომ კი, ასფალტის საფარი დაიგო როგორც სამანქანო გზაზე, ასევე, ტროტუარებზე. განხორციელებული სამუშაოებისთვის ადგილობრივი ბიუჯეტიდან 962 294 ლარი გამოიყო. დიდუბის რაიონის გამგეობა ასფალტის მოწყობის სამუშაოებს მთელი წლის განმავლობაში სხვადასხვა მისამართზე ახორციელებს.