გირჩს“ კატეგორიულად ვერ დავეთანხმებოდი, სერიოზული ამოვარდნა აქვთ – წარმოუდგენელია, ვინმემ 20 ივნისი შეადაროს 26 მაისს, 7 ნოემბერს და სხვა შემთხვევებს – მამუკა მდინარაძე

190
წაკითხვა/ნახვა

„გირჩს“ კატეგორიულად ვერ დავეთანხმებოდი, სერიოზული ამოვარდნა აქვთ – წარმოუდგენელია, ვინმემ 20 ივნისი შეადაროს 26 მაისს, 7 ნოემბერს და სხვა შემთხვევებს“,- ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან საუბრისას განაცხადა, რითაც „გირჩის“ ინიციატივასთან დაკავშირებით დასმულ კითხვას გამოეხმაურა, რომელიც 26 მაისის და 7 ნოემბრის მოვლენებზე ამნისტიის კანონპროექტს მომზადებს გულისხმობს.

როგორც მდინარაძე აღნიშნავს, 20 ივნისს პოლიციამ მოგერიების ლეგიტიმური უფლება გამოიყენა.

„ამ ბოლო დროს, ხანდახან მომწონს კიდევაც „გირჩის“ რაღაც ინიციატივები, ეს შეიძლება ნახევარად ხუმრობით თუ სერიოზულად, თუმცა, აქ კატეგორიულად ვერ დავეთანხმებოდი, სერიოზული ამოვარდნა აქვთ. ალბათ, არასწორ დროს თქვეს ეს ამბავი.

წარმოუდგენელია, ვინმემ 20 ივნისი შეადაროს 26 მაისს, 7 ნოემბერს და სხვა შემთხვევებს. ამ ქვეყნის საუბედუროდ, პირდაპირი მიზანი იყო ადამიანების დასახჩრება, შეშინება, დაზიანება, მოკვლა, ძალიან ცუდი მიზნები იყო. 20 ივნისი კი იყო მოგერიება. ეს თქვა ამერიკის სახელმწიფო დეპარტამენტმაც.

დაუშვათ ჩვენ ამასთან დაკავშირებით სუბიექტურები ვართ, ვთქვათ, მხარს ვუჭერთ, რომ პოლიციელთა ჯგუფი, თუ შინაგან საქმეთა სამინისტრო იგერიებდა ამ ხალხს, მაგრამ სახელმწიფო დეპარტამენტი, ობიქტური დამკვირვებელი ამ მოვლენებზეც იგივეს საუბრობს, მოგერიების ლეგიტიმური უფლება გამოიყენა პოლიციამ.

შეიძლება, ვილაპარაკოთ კონკრეტული ადამიანების მხრიდან ჰქონდა თუ არა უფლებამოსილების გადაჭარბებას ადგილი, მაგრამ არა იმაზე, რომ 20 ივნისი ვინმემ გაბედოს და შეადაროს წინა პერიოდში ჩადენილ სისასტიკეს. ეს არის ძალიან სერიოზული ამოვარდნა“,-აღნიშნავს მდინარაძე.

კომენტარები
მოწონება