დავით კეზერაშვილის ცოლის ძმის, დიმიტრი ჩიქაოვანის სახლში იმყოფება ყოფილი ტელეწამყვანი თათია სამხარაძე და თავად დიმიტრი ჩიქოვანი.
როგორც ტელეკომპანია “პოსტვ” წყაროზე დაყრდნობით იუწყება, კონსპირაციული შეხვედრა უკავშირდება კამპანიას, რომელიც შალვა რამიშვილის წინააღმდეგ დაიწყო.
კერძოდ, პოსტვ”-ის ცნობით, დიმიტრი ჩიქოვანის ხელით კეზერაშვილმა გარკვეული თანხა გადაუხადა სამხარაძეს ამ კამპანიის საწარმოებლად, თუმცა, დაპირისპირება მას შემდეგ დაიწყო, რაც სავარაუდოდ, ვერ მოხდა შეთანხმება თანხის რაოდენობაზე.
“პოსტვ” წყაროზე დაყრდნობით ამბობს იმასაც, რომ სამხარაძე შესაძლოა გატაცებული იყოს, რის გამოც მთელი ღამის განმავლობაში ადგილზე იმყოფებოდნენ სამართალდამცველები, ნაციონალური მოძრაობის ერთ-ერთი ლიდერი პეტრე ცისკარიშვილი, ასევე ადვოკატები და ჟურნალისტები.
ბინაში არ შეუშვეს კამერები, თუმცა არსებობს ინფორმაცია, რომ სამხარაძე კარადაში დამალული აღმოაჩინეს, რამაც გააჩინა ეჭვი, რომ ის გატაცებულია.
სამხარაძე ამ დროისთვისაც წერეთლის გამზირზე მდებარე ბინაშია.