რაც ხდება მსჯავრდებულ მიხეილ სააკაშვილის გარშემო, არახალია – მის მიერ საქართველოს საზღვრის უკანონოდ კვეთის შემდეგ დაიწყო ეს სერიალი, რომელიც დღემდე გრძელდება და რომელიც მაშინ აქტიურდება, როდესაც მათ სიტუაციურად აწყობთ, – ამის შესახებ იუსტიციის მინისტრმა, რატი ბრეგაძემ „იმედი LIVE“-ში განაცხადა.
„როგორც კი ქვეყანაში პოლიტიკური სიტუაცია მეტ-ნაკლებად დაიძაბება და ეს ჩვეულებრივი მოვლენაა ნებისმიერ დემოკრატიაში, მაშინ ავტომატურად ხდება სააკაშვილის ჯანმრთელობის მდგომარეობის საკითხის პოლიტიზება და ამით დაშლის პირას მყოფი ნაცმოძრაობა ცდილობს, რაიმე ფორმით მიიპყროს ყურადღება“, – აღნიშნა რატი ბრეგაძემ.