ახმეტაში, სააკაძის ქუჩაზე არსებულ ზემო ალაზნის სარწყავ არხზე ლითონის დამცავი ზღუდარების მოწყობის სამუშაოები მიმდინარეობს.
პარალელურად ეკალ-ბარდისგან იწმინდება არხის მიმდებარე ტერიტორია.
პროექტის ფარგლებში სარწყავი არხის ორივე მხარეს 3407 გრძ/მ-ზე მოხდება აღნიშნული ზღუდარების მოწყობა ღამის ამრეკლი საშუალებებით. მოხდება სარწყავ არხზე არსებული ხიდების მოაჯირების შეცვლა ახლით.
სამუშაოებს ტენდერში გამარჯვებული კომპანია შპს ,,ინფრაკონ“-ი ასრულებს, რომლის ღირებულება შეადგენს 529, 046 ლარს.
სამუშაოები მიმდინარე წლის ზაფხულამდე დასრულდება.