___________________________________
საქართველოს დამოუკიდებლობის აღდგენის დღიდან აშშ-მა ქვეყნის განვითარებისთვის 4 მილიარდ დოლარზე მეტი დახარჯა, საგარეო თავდაცვის ფონდის ფარგლებში აშშ წლების განმავლობაში ათეულობით მილიონ დოლარს ხარჯავს საქართველოს თავდაცვის ძალების განვითარებაში, – ამის შესახებ საქართველოს თავდაცვის მინისტრმა, ირაკლი ღარიბაშვილმა „ღირსეული პარტნიორი 2020“-ის გახსნის ცერემონიაზე განაცხადა.
„ამერიკელი სამხედრო ინსტრუქტორების ხელმძღვანელობით, წარმატებით მიმდინარეობს საქართველოს თავდაცვის მზადყოფნის პროგრამა. ჩვენი საერო მიზანია, განვავითაროთ თანამედროვე, ბრძოლისუნარიანი და ნატო-სთან თავსებადი თავდაცვის ძალები, რომლებიც ეროვნული თავდაცვის ამოცანების შესრულებასთან ერთად, მნიშვნელოვან წვლილს შეიტანს რეგიონული და გლობალური უსაფრთხოების განმტკიცებაში. ღირსეული პარტნიორობა, რომელიც ჩვენმა ჯარისკაცებმა საერთაშორისო მისიებში უდიდესი კონტრიბუციითა და მრავალეროვნულ სწავლებებში გამოჩენილი პროფესიონალიზმით დაამტკიცეს სწორედ ამ პროცესის ერთ-ერთი შემადგენელი ნაწილი და საფუძველია. მინდა, კიდევ ერთხელ მადლობა ვუთხრა თითოეულ სამხედრო მომსახურეს, ჩვენ გმირ ჯარისკაცებს ვუსურვო მათ წარმატება დასახული ამოცანების შესრულებაში“, – განაცხადა ირაკლი ღარიბაშვილმა.
მიხეილ ყაველაშვილი – პარლამენტში ძლიერი ოპოზიცია უნდა არსებობდეს, ერთმანეთის პატივისცემა უნდა...