სალომე ზურაბიშვილმა აქციის მონაწილეებს მხარდაჭერა ამერიკიდან გამოუცხადა. განცხადება მან ცოტა ხნის წინ, სპეციალურად გააკეთა.
“არავის არ აქვს უფლება წაგართვათ თქვენი მომავალი. ეს კანონი, რომელიც არავის არ სჭირდებოდა, რომელიც არსაიდან არ მოდის, თუ არა მოსკოვის კარნახით, ეს კანონი არის გასაუქმებელი, რა ფორმითაც გინდათ. არანაირად არ არის გასაგზავნი ვენეციის კომისიაში.
მე დავადებ ვეტოს, არ მაინტერესებს მისი მუხლობრივი განხილვა და მსგავსება ძველ ამერიკულ კანონთან. მე მაინტერესებს მხოლოდ საქართველოს მომავალი და კონსტიტუცია, რომლის გარანტიც მე ვარ.“- განაცხადა პრეზიდენტმა.