IMG.GE IMG.GE

20 ივნისთან დაკავშირებით საქართველოს მეოთხე პრეზიდენტის, გიორგი მარგველაშვილის გუშინდელ განცხადებებს, ჟურნალისტი გია გაბრიჭიძე სოციალურ ქსელში ეხმაურება:

რაც არ უნდა საოცარი იყოს, ყოფილი “პრეზიდენტი” მარგველაშვილი თავისი ყოფით ზუსტად ასახავს დღევანდელ ქართულ პოლიტიკურ სიტუაციას. ასახავს იმ ყველაზე დიდ პრობლემას, რაც თავის თავში შემთხვევითი ხალხის უმაღლეს არჩევით თანამდებობებზე რაღაც უცნაური მანქანებით მოხვედრას გულისხმობს.
მან არ იცის სიტყვების “პატრიოტიზმის”, “დემოკრატიის” და “პოლიტპატიმარის” მნიშვნელობა, ან იცის და რაღაც ვიწრო მერკანტელური ინტერესების გამო აბსოლუტურად განსხვავებულ და დამახინჯებულ ინტერპრეტაციას აძლევს და ამიტომაც მორიგი “ფილოსოფიური” და ნორმალური ლოგიკიდან ამოვარდნილი სისულელე დააბრეხვა:
მარგველაშვილმა თქვა – 1. როდესაც ვინმე იმ ხალხს, რომლებიც უმაღლეს საკანონმდებლო ორგანოზე შტურმს ახორციელებდნენ, “პატრიოტული ლოზუნგებით გამოსულ მოქალაქეებს” უწოდებ და თანაც იცი, რომ მათში სიტყვა “პატრიოტიზმი” ბევრად უფრო ნაკლები დოზით არის წარმოდგენილი, ვიდრე რომელიმე ზულუსში თეთრი პიგმენტები, სულ მცირე აზროვნების ნატამალი არ გაგაჩნია.
2. “ხელისუფლება რომელიც პატრიოტული ლოზუნგებით გამოსულ მოქალაქეებს წყლის ჭავლით არბევს, არ არის დემოკრატიული”. ე.ი. მისი ლოგიკით, ხელისუფლებას პარლამენტის აღების საშუალება უნდა მიეცა და მაშინ იქნებოდა “დემოკრატიული”?
3. ხელისუფლება, რომელიც პოლიტპატიმრებს გააჩენს თავის ქვეყანაში, არის ავტორიტარი. ე.ი. ის თვლის, რომ ბიუჯეტის ქურდი და უამრავ მკვლელობაში ეჭვმიტანილი ადამიანები პოლიტპატიმრები არიან.
სწორედ ამ შეფასებების გამო მას ნამდვილად არ დავუწყებ რაიმეს ახსნას, რადგანაც ეს ქმედება ჩემს ინტელექტს შეურაცხყოფს”.

კომენტარის დატოვება
IMG.GE
გაზიარება