დიდუბის რაიონში, დედის დღისა და ქალთა საერთაშორისო დღის აღსანიშნავად, ღონისძიება სახელწოდებით „გაზაფხულის დღესასწაულები“ გაიმართა. ღონისძიებაში დიდუბეში მცხოვრები კულტურის, სპორტისა და საგანმანათლებლო სფეროში მოღვაწე ქალები მონაწილეობდნენ.
დამსწრე საზოგადოებას გაზაფხულის დღესასწაულები დიდუბის რაიონის გამგებელმა ვლადიმერ ძნელაძემ, მაჟორიტარმა დეპუტატმა პარლამენტში გიორგი ვოლსკიმ და პარლამენტის წევრმა ირმა ზავრადაშვილმა მიულოცეს და ყვავილებითა და ვაუჩერებით დააჯილდოვეს. საღამო ვახტანგ სალარიძის სახელობის საკონცერტო დარბაზის საგამოფენო სივრცეში გაიმართა.
