“ნაციონალური მოძრაობა” არის იქ, სადაც უნდა იყოს – შალვა პაპუაშვილი

„ნაციონალური მოძრაობა” არის იქ, სადაც უნდა იყოს – „ნაციონალური მოძრაობა” პარლამენტის დელეგაციის გარეშე დარჩა, რაც ლოგიკურია, – ამ განცხადებით პარლამენტის თავმჯდომარე შალვა პაპუაშვილი უკრაინაში საპარლამენტო დელეგაციის ფარგლებში გამგზავრებაზე ოპონენტების უარს გამოეხმაურა.

„უკრაინის რადას თავმჯდომარესთან ინტენსიური კომუნიკაცია გვქონდა და ბევრი საკითხი გაირკვა. პარლამენტის თავმჯდომარის უკრაინაში ვიზიტი ჩვენი სოლიდარობის გამოხატვის ვიზიტი იქნება, რომელშიც ემოციური ნაწილი უფრო წინა ფლანგზე იქნება. ველოდები, რომ მეგობრული ვიზიტი იქნება.

ჩვენი სურვილია, ვიზიტი ამ კვირაშივე შედგეს. იცით, რომ უსაფრთხოების საკითხები არსებობს. უკრაინელ კოლეგებთან ყოველწუთიერ კონტაქტზე ვართ და ეს ვიზიტი აქედან გამომდინარე დაიგეგმება”, – განაცხადა შალვა პაპუაშვილმა.