მე მხოლოდ პოზიტიურად ვარ განწყობილი ლევან იოსელიანის პროფესიული თვისებებისა და მისი კეთილსინდისიერების მიმართ

მე მხოლოდ პოზიტიურად ვარ განწყობილი მისი პროფესიული თვისებებისა და მისი კეთილსინდისიერების მიმართ, თუმცა ეს არ ნიშნავს იმას, რომ უკვე მზად ვართ და გესაუბროთ მთლიანად გუნდის განწყობაზე ამ მიმართულებით, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე, მიხეილ სარჯველაძემ განაცხადა. ის ამით სახალხო დამცველის კანდიდატად ლევან იოსელიანს წარდგენას გამოეხმაურა.

„ბუნებრივია, რომ ეს მოითხოვს კონსულტაციებს, პოზიციების შეჯარებას და მათ შორის იმ საკითხის მხედველობაში მიღებას, თუ რამდენად ექნება შესაძლებლობა ამ კანდიდატურას, რომ მოიპოვოს ის რაოდენობა, რომელიც უზრუნველყოფს ამ თანამდებობაზე მის დანიშვნას. 12-პუნქტიანი გეგმიდან რაკი სახალო დამცველის არჩევა გახლავთ ერთ-ერთი პუნქტი, ჩვენ ავჩქარდებით და საზოგადოებას რაც შეიძლება სწრაფად ვამცნობთ ჩამოყალიბებული პოზიციის შესახებ“, – განაცხადა სარჯველაძემ.

პოლიტიკური ჯგუფის – „მოქალაქეების“ თავმჯდომარე ალექსანდრე ელისაშვილმა სახალხო დამცველობის კანდიდატად ჯგუფის წევრი, პარლამენტის თავმჯდომარის მოადგილე ლევან იოსელიანი წარადგინა.