IMG.GE ___________________________________ IMG.GE

ოკუპირებული რეგიონებიდან იძულებით გადაადგილებულ პირთა და ლტოლვილთა სტატუსის შესახებ გაეროს რეზოლუციის მთავარი მიზანია, მსოფლიოს პოლიტიკური დამოკიდებულების მობილიზება საქართველოში მიმდინარე პროცესებზე. ამის შესახებ პარლამენტის ვიცე-სპიკერმა გია ვოლსკიმ „ქრონიკას“ განუცხადა.

„მთავარი ამოცანა რუსეთის ქმედებების შესწორება არ არის. რეზოლუციის მთავარი მიზანია, მსოფლიოს პოლიტიკური დამოკიდებულების მობილიზება საქართველოში მიმდინარე პროცესებზე. რეზოლუცია ჰუმანიტარული შინაარსის არის, მაგრამ ძალიან დიდი პოლიტიკური მნიშვნელობის მატარებელია. თუ მხარდამჭერთა რაოდენობა იზრდება, მოწინააღმდეგეთა რაოდენობას აკლდება და თუ პოზიცია რამდენიმე ქვეყანამ კიდევ შეიცვალა, ეს არის საკმაოდ სერიოზული პოლიტიკური პოზიტიური სიგნალი, რაზეც შეგვიძლია, ხმამაღლა ვისაუბროთ“, – განაცხადა გია ვოლსკიმ.

გაერომ საქართველოს ოკუპირებული რეგიონებიდან იძულებით გადაადგილებულ პირთა და ლტოლვილთა სტატუსის შესახებ რეზოლუცია მიიღო. საგარეო საქმეთა სამინისტროს ინფორმაციით, მიმდინარე წელს თანასპონსორებთან ერთად რეზოლუციის მხარდამჭერი ქვეყნების რაოდენობა გაიზარდა და 84 სახელმწიფო შეადგინა.

კომენტარის დატოვება
IMG.GE
გაზიარება