იმედი გვაქვს, რომ შეზღუდვების შემსუბუქების ფონზე, ქვეყანაში ინფიცირებულთა რაოდენობა არ მოიმატებს – პაატა იმნაძე

154
წაკითხვა/ნახვა
IMG.GE

იმედი გვაქვს, რომ შეზღუდვების შემსუბუქების ფონზე, ქვეყანაში ინფიცირებულთა რაოდენობა არ მოიმატებს, – ამის შესახებ პაატა იმნაძემ მედია-ვებინარზე განაცხადა.

დაავადებათა კონტროლის ეროვნული ცენტრის ხელმძღვანელის მოადგილის თქმით, რეგულაციების მკაცრი დაცვით ზაფხულს მეტ-ნაკლებად ნორმალურად შევხვდებით.

„2 კვირაა უკვე ქვეყანაში ინფიცირებულთა კლებაა, ასე ჩანს, რომ ეს კვირაც გააგრძელებს წინა კვირის ტრადიციას. თუმცა ჯერ ეს დამშვიდების საშუალებას არ გვაძლევს, რადგანაც სამწუხაროდ ავადობა 100 ათას მოსახლეზე ჩვენთან ისევ საკმაოდ მაღალია, ლეტალობის შემთხვევები ჯერ კიდევ გრძელდება, რადგან ჩვენ დაავადების პიკი გადავიტანეთ.

იმედი გვაქვს , რომ შეზღუდვების შემსუბუქების ფონზე, რაც არის ქვეყანაში ჯერჯერობით არ ჩანს ნიშნები რომ ავადობა მოიმატებს და ისევ და ისევ ვრჩებით პირბადის გამოყენების აუცილებლობის შესახებ. არსებული რეგულაციების ძალიან მკაცრი დახვა იმედს გვაძლევს, რომ ზაფხულს მეტ-ნაკლებად ნორმალურად შევხვდებით“, – განაცხადა პაატა იმნაძემ.

კომენტარები
IMG.GE
მოწონება