IMG.GE ___________________________________ IMG.GE

პროგრამა „იმუშავე საქართველოში“ მონაწილეობის სურვილი უცხო ქვეყნების 200-ზე მეტმა მოქალაქემ გამოთქვა. ამის შესახებ პრემიერ-მინისტრმა მთავრობის სხდომაზე განაცხადა. გიორგი გახარიამ ტურიზმის სააგენტოს პროგრამის გაძლიერება დაავალა.

„შედეგებმა მოლოდინის გადააჭარბა. ჩვენ უკვე 200-ზე მეტი განაცხადი გვაქვს მსოფლიოს სხვადასხვა ქვეყნიდან – დაწყებული ამერიკის შეერთებული შტატებით და დამთავრებული სინგაპურით. ტურიზმის სააგენტოს ვავალებ განსაკუთრებული ყურადღება გაამახვილონ ამ პროგრამაზე და კიდევ უფრო გააძლიერონ ამ პროგრამის შესაძლო ბენეფიტები, რომელიც შეიძლება ამან ქართულ ეკონომიკას და პირველ რიგში საქართველოს, როგორც მწვანე, ვირუსისგან სუფთა ქვეყანას მოუტანოს“, – აღნიშნა პრემიერმა.

ახალი პროგრამის შესახებ ინფორმაცია ეკონომიკის სამინისტრომ 16 ივლისს გაავრცელა. „იმუშავე საქართველოში“ 95 ქვეყნის მოქალაქეს საქართველოში მინიმუმ 180 დღით დისტანციურ მუშაობას სთავაზობს.

კომენტარის დატოვება
IMG.GE
გაზიარება