დიდუბის რაიონის გამგეობა დიდუბესა და დიღმის მასივში დაზიანებული ლიფტების რეაბილიტაციას ახორციელებს.
სამუშაოები ხუთ ამხანაგობაში მიმდინარეობს: დიღმის მასივის მესამე კვარტლის მე-10 კორპუსში, მეოთხე კვარტლის 25-ე კორპუსში, აბასთუმნის ქუჩის N1-ში, მირცხულავას ქუჩის N3ა-სა და დიღმის მასივის მეორე კვარტლის მე-11 კორპუსის სადარბაზოში.
ლიფტების რეაბილიტაციის ფარგლებში, კაბინა და ამწე მექანიზმები დამონტაჟდება. ასევე, შეიცვლება ელექტროსისტემა და ბაგირები. პროექტის განხორციელებისთვის 157 929 ლარია გამოყოფილი. სამუშაოებს ტენდერში გამარჯვებული კომპანია „სერვის ჯგუფი 21“ ახორციელებს.
