ამ ყველაფერს წითელი ზოლივით გასდევს ბიძინა ივანიშვილზე ზეწოლა – ზაზა შათირიშვილი

ჩვენ ხომ კარგად ვიცით, ვერავინ ვერაფერს ასე ვერ იტყვის, თუ ეს ორკესტრირებული არ არის. ამ ყველაფერს წითელი ზოლივით გასდევს ბიძინა ივანიშვილზე ზეწოლა კაპიტალის მეშვეობით, – ამის შესახებ ფილოსოფოსმა, ზაზა შათირიშვილმა „კრედიტ სუისის“ საქმეზე საუბრისას „იმედის კვირას“ განუცხადა.

„ეს არის ერთიანი, სისტემური დაწოლა ქვეყანაზე და ჯერ ერთი, არავინ არაფერს მალავს. როგორც ჩვენი, ფსევდო-ლიბერალური მეხუთე კოლონა, ასევე უკრაინელი ჩინოვნიკები დროდადრო ამას პირდაპირ ამბობენ. ჩვენ ხომ კარგად ვიცით, ვერავინ ვერაფერს ასე ვერ იტყვის, თუ ეს ორკესტრირებული არ არის. ამ ყველაფერს წითელი ზოლივით გასდევს ბიძინა ივანიშვილზე ზეწოლა ამ ასე, ვთქვათ, კაპიტალის მეშვეობით და ვინ აკეთებს ამ ყველაფერს? – ის მსხვილი კაპიტალი, რომელსაც გამოხატავს ამერიკული ოლიგარქია. ესეც ჩემი მოგონილი არ არის. ამერიკის პრეზიდენტის ჯეიმს კარტერის სიტყვებია. რამდენიმე წლის წინ ჯეიმს კარტერმა თქვა, ამერიკაში დიდი ხანია აღარ არის დემოკრატია, ამერიკაში არის ოლიგარქია“, – განაცხადა შათირიშვილმა.