წინასწარი ინფორმაციით, თურქეთში და სირიაში მომხდარ მიწისძვრას 1400-ზე ადამიანი ემსხვერპლა.
ევროპის სეისმოლოგიური ცენტრის მონაცემებით, მიწისძვრა ქალაქ გაზიანთეპში მოხდა, რომელიც იგრძნობოდა ბევრ დიდ ქალაქში, როგორიცაა კაჰრამანმარაში, ნევშეჰირი, კაისერი, ანკარა, ადანა და ჰატაი.
მიწისძვრა ადგილობრივი დროით დილის 4:17 საათზე მოხდა, რომლის სიმძლავრეც 7.4 მაგნიტუდა იყო. CNN – თურქეთზე გამოქვეყნებული ინფორმაციით, განმეორებითი ბიძგების რაოდენობა 50 იყო, ამათგან ყველაზი მაღალი მაგნიტუდა მხოლოდ ერთს ჰქონდა, 6.6 და ის დილის 8 საათზე განმეორდა.
კიდევ ერთი მიწისძვრა კი ცოტა ხნის წინ მოხდა, რომლის სიმძლავრემაც 7.7 მაგნიტუდა შეადგინა.
დაღუპულთა და დაშავებულთა მონაცემები ყოველ წუთში შეიძლება შეიცვალოს.
საქართველოს პრემიერ-მინისტრმა ირაკლი ღარიბაშვილმა მზადყოფნა გამოთქვა, რომ დაეხმაროს თურქულ მხარეს.
ჩვენ ვდგავართ თურქი ხალხის გვერდით და მზად ვართ აღმოვუჩინოთ მათ ნებისმიერი საჭირო დახმარება