კობა ხაბაზი
კობა ხაბაზის პოსტი სოციალურ ქსელში და გამოხმაურება მის მიმართ ბრალდებებზე, რასაც მისი თქმით, ნაც.მოძრაობის წარმომადგენლები უყენებენ.
ნამდვილად არ მეცალა, 2 დღით ფბ სივრციდან გასული ვიყავი, დღეს დავბრუნდი და საოცრებავ…
1. თურმე მიშას ვუღალატე;
2. თურმე უკრაინაში უპასუხისმგებლობას ვემალები;
3. თურმე ლელოში გადავდივარ;
4.თურმე მიშას ბანერი ჩემი თანხმობით აიღეს
4. თურმე მელიას ფანი ვარ,
5. თურმე ნაკაწრი რომ არ მაქვს, ესეიგი არ ვომობ…
6. თურმე ბევრმა ფულმა გამაფუჭა.
მოკლედ, “ქოცებს” გადაასწრეს “ქოცობაში”.
ავადმყოფურ ბრალდებებს პასუხს სათითაოდ გავცემ. არა, ნამდვილად არ მაქვს იმედი ბრალდებების ავტორები რამეს შეიგნებენ, მაგრამ ნამდვილად არ ვაპირებ უპასუხოდ დავტოვო ეს სიბინძურეები.
ვაღიარებ გული დამწყდა ბევრ “თავისუფალ ზონელზე”, ვინც წაიკითხა და ხმა არ ამოიღო, სხვა თუ არა, თქვენ ხომ მაინც მიცნობთ… ერთადერთი, რასაც არ ვუპასუხებ, არის როცა მადანაშაულებენ ადრე მხოლოდ პოლიტსაბჭოში რომ ვკამათობდი და არა საჯაროდ. არ ვუპასუხებ, იმ მარტივი მიზეზის გამო, რომ ეს საყვედური თუ კრიტიკა სიმართლეა და ამას გულწრფელად ვნანობ.”- წერს კობა ხაბაზი.