მოლდოვას პრაქტიკულად ყველაფერში ვუსწრებთ, ნებისმიერი კრიტერიუმით. მათ შორის არის ე.წ. ფუნდამენტური საკითხები, სადაც ყველგან წინ ვართ, – ამის შესახებ „ქართული ოცნების“ თავმჯდომარემ, ირაკლი კობახიძემ პარტიის ოფისში გამართულ ბრიფინგზე განაცხადა.
მისი თქმით, გასულ წელს გადაწყვეტილება რომ ყოფილიყო მიღებული არა პოლიტიკური კუთხით, არამედ ობიექტურ კრიტერიუმებზე დაყრდნობით, საქართველო კანდიდატის სტატუსს აუცილებლად მიიღებდა. კობახიძის განმარტებით, ამას ადასტურებს ევროკომისიის მიერ დღეს გამოქვეყნებული ანგარიში.
„ობიექტური კრიტერიუმები ადასტურებს, რომ საქართველოს ყველანაირად ეკუთვნის კანდიდატის სტატუსი. რაც შეეხება მოლდოვასა და უკრაინას, მოლდოვას პრაქტიკულად ყველაფერში ვუსწრებთ, ნებისმიერი კრიტერიუმით. მათ შორის არის ე.წ. ფუნდამენტური საკითხები, სადაც ყველგან წინ ვართ. ასევე, შედარებით მეორე ხარისხოვანი თემები რაც არის, იქაც ვუსწრებთ მოლდოვას. ანუ, მოლდოვას ყველაფერში ვუსწრებთ და ძალიან დიდია და თვალსაჩინოა ის სხვაობა, რაც არსებობს საქართველოსა და მოლდოვას შორის.
რაც შეეხება უკრაინას, გვესმის, რომ ქვეყანა ომის მდგომარეობაშია და გარკვეულ სფეროებში მას ასე, ვთქვათ ხელის წაკვრა სჭირდებოდა, რასაც ვხედავთ. მაგალითად, თავდაცვისა და უსაფრთხოების სფეროში უკრაინა ჩვენზე წინაა. ამის არ უნდა შეგვშურდეს“, – განაცხადა კობახიძემ.
ევროკომისიამ ევროკავშირში გაწევრიანებაზე საქართველოს განაცხადთან დაკავშირებით ანალიტიკური ანგარიში გამოაქვეყნა.