___________________________________
8 ახალი შემთხვევიდან 2 არის დაავადებულთან კონტაქტი, 3 არის შემოტანილი, სამივე ავტომანქანის მძღოლი და 3-ზე გრძელდება ეპიდკვლევა, – ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა.
მარინა ეზუგბაიას განცხადებით ამ დროისთვის კოვიდცენტრებში 232 პაციენტი მკურნალობს. გამოჯანმრთელებულების პროცენტული რაოდენობა 82-ია.
ამ დროისთვის საქართველოში კორონავირუსის 1455 შემთხვევაა დადასტურებული. განკურნებულთა რაოდენობა კი 1196-ს შეადგენს. კარანტინის რეჟიმში იმყოფება 6010 მოქალაქე, ხოლო სტაციონარში მეთვალყურეობის ქვეშ – 252.
უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 19 პაციენტი გარდაიცვალა.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
ჟიჟილაშვილისგან ამას ნამდვილად არ მოველოდი – გია გაჩეჩილაძე