დედოფლისწყაროს მუნიციპალიტეტში სოფლის მხარდაჭერის პროგრამის ფარგლებით გათვალისწინებული შეხვედრები მოსახლეობასთან ხვალ იწყება. პრიორიტეტების განსაზღვრის მიზნით მუნიციპალიტეტის მერმა ნიკოლოზ ჯანიაშვილმა მერიის ინფრასტრუქტურის სამსახურის უფროსთან, სოლომონ ღორაშვილთან ერთად ადმინისტრაციულ ერთეულებში მერის წარმომადგენლებთან და საკრებულოს წევრებთან სამუშაო შეხვდრა გამართა და მოუწოდა მათ, რომ უზრუნველყონ დაგეგმილ საერთო კრებებში მოქალაქეების აქტიური ჩართულობა.