იუსტიციის მინისტრ რატი ბრეგაძის განცხადებით, მათმა უწყებამ მიმართა სამხარაულის ექსპერტიზის ეროვნულ ბიუროს, რათა შეესწავლათ ცენტრ ემპათიის მიერ, მიხეილ სააკაშვილის ჯანმრთელობასთან დაკავშირებული დიაგნოზები, რომელიც მოიცავს პაციენტის ფსიქიატრიულ, გასტროლო-ენტეროლოგიურ და ნევროლოგიურ მდგომარეობას.
რატი ბრეგაძის ცნობით, სამხარაულის ექპერტიზის ბიურომ დაადგინა, რომ აღნიშნული დიაგნოზები, რომელიც ცენტრმა ემპათიამ დადო, არ არის სარწმუნო და უტყუარი.
ამ საკითხზე იუსტიციის მინისტრმა რატი ბრეგაძემ ისაუბრა დღეს გამართულ ბრიფინგზე. მისივე ცნობით, იუსტიციის სამინისტრომ სამხარაულის ექსპერტიზის ბიუროს 2022 წლის 8 დეკემბერს მიმართა და პასუხი დღეს გახდა ცნობილი.