სახელმწიფო აუდიტის სამსახურმა დაიწყო მოკვლევა გავრცელებულ ინფორმაციაზე, რომლის თანახმად, თავდაცვის ყოფილმა მინისტრმა დავით კეზერაშვილმა „ნაციონალური მოძრაობის“ თავმჯდომარე ნიკა მელიას ავტომობილი აჩუქა.
როგორც „ინტერპრესნიუსს“ უწყებაში განუცხადეს, სამართალდარღვევის ფაქტის გამოვლენის შემთხვევაში მოხდება შესაბამისი რეაგირება.
„სახელმწიფო აუდიტის სამსახურის პოლიტიკური ფინანსების მონიტორინგის დეპარტამენტმა დაიწყო საკითხის მოკვლევა. სამართალდარღვევის ფაქტის გამოვლენის შემთხვევაში მოხდება შესაბამისი სამართლებრივი რეაგირება“,- აცხადებენ უწყებაში.