“ჩვენთან, ჰოლში ცხოვრობს სააკაშვილის რამდენიმე მხარდამჭერი ქალი, რომლებიც პერიოდულად ზემოთ ამოიპარებიან, ხან მკურნალ ექიმს ეძახიან „მკვლელო“ და „დასაჭერი ხართ”- განაცხადა კლინიკა “ვივამედი”-ს გენერალურმა დირექტორმა ნინო ნადირაძემ გადაცემა “იმედი LIVE”-ში სტუმრობისას.
“მე ძალიან მიჭირს მასთან სტაფის შერჩევა. არავის უნდა, ყველას ეშინია. ეს იმხელა პასუხისმგებლობაა, ჩვენ გვეშინია, რადგან მაგალითად, ჩვენთან, ჰოლში ცხოვრობს რამდენიმე მხარდამჭერი ქალი, რომლებიც პერიოდულად ზემოთ ამოიპარებიან. ხან მკურნალ ექიმს ეძახიან „მკვლელო“ და „დასაჭერი ხართ“. ეს ქალბატონი თამარი შემორბის ჩემთან, სად არის დაცვა?! ვუთხარი, რა ვქნა, თამარ? უნდა გაუძლო. ეს არის ჩვენი ამ პროცესის ნაწილი. როგორი მოსასმენია, როდესაც ამ დროს სხვა პაციენტებს სინჯავ, ვიღაც ქალბატონი მორბის კივილით, გეძახის მკვლელს, დასაჭერია-დასახვრეტია. რასაც თამარი უძლებს, არ ვიცი, ამას რა ფსიქიკა ეყოფა?!“, – განაცხადა ნადირაძემ