ბაჩო დოლიძე გიორგი რურუას განცხადებას ეხმიანება. „ნაციონალური მოძრაობის“ წევრის აზრით, თუ ვანო მერაბიშვილს პოლიტიკური ამბიციები აქვს, ის საჯარო მოქმედებაზე უნდა გადავიდეს.
„ჩანაწერებთან დაკავშირებით მერაბიშვილთან აფილირებული ხალხი დარბოდა სოფლიდან სოფელში და დაატარებდა ამ ჩანაწერებს. სპეცსამსახურებთან კავშირზე [საუბარი] ჩემი მხრიდან სპეკულაცია იქნება. ვფიქრობ, თუ პოლიტიკური ამბიცია აქვს, უმჯობესია გამოვიდეს კულუარებიდან, დატოვოს ბნელი ოთახები, რესტორნები, სასტუმროები, სადაც ხალხს ხვდება, საჯაროდ დააფიქსიროს თავისი პოზიცია და საჯარო მოქმედებაზე გადავიდეს“, – აცხადებს დოლიძე.
გიორგი რურუა, ვანო მერაბიშვილს რუსულ სპეცსამსახურებთან თანამშრომლობაში ადანაშაულებს. სოციალურ ქსელში რურუა წერს, რომ მერაბიშვილი, უცხოელ პარტნიორებთან პირად საუბრებში, ომის დაწყებას მიხეილ სააკაშვილს აბრალებდა.