კარლ ჰარცელი ვანის არქეოლოგიურ მუზეუმს ესტუმრა

107
წაკითხვა/ნახვა
IMG.GE

საქართველოში ევროკავშირის ელჩი, კარლ ჰარცელი ვანის არქეოლოგიურ მუზეუმს ესტუმრა. მან მუზეუმს ფანტასტიკური უწოდა.

„საქართველო პატარა ქვეყანაა, მაგრამ დიდი ისტორიისა და კულტურული მემკვიდრეობის მქონე, და ეს ყველაფერი დღეს აშკარად ჩანს აქ, ვანის მუზეუმში. დღეს შესაძლებლობა მქონდა დამეთვალიერებინა ეს ფანტასტიკური მუზეუმი, რომელშიც გამოფენილია უნიკალური კოლხური კულტურის ექსპონატები. უნდა ავღნიშნო, რომ ყველაფერი, რაც აქ არის წარმოდგენილი, საოცრად თვალწარმტაცია. ამ ექსპონატების დღის შუქზე გამოტანა უკვე საოცრებაა, მაგრამ კიდევ უფრო მნიშვნელოვანია, როდესაც ამ ყველაფერს ისტორია ახლავს. ეს მუზეუმი კი ნამდვილად მოგვითხრობს ისტორიას აქ გამოფენილი სხვადასხვა ნივთების გარშემო. ჩემი აზრით, ეს უმნიშვნელოვანესია. ვიცი, რომ ამ საქმეში დიდი წვლილი დავით ლორთქიფანიძეს მიუღძვის. ის თავად არის შესანიშნავი მთხრობელი და ამ მუზეუმში ის და მისი გუნდი ამბებს ექსპონატების ენით მოგვითხრობენ.

ჩემთვის ეს ორმაგად მნიშვნელოვანია. ერთის მხრივ, ვანის მუზეუმი ყველას აცნობს საქართველოს კულტურას, ისტორიას და წარმომავლობას, მეორე მხრივ კი ის ასევე გადმოსცემს ამბავს, რომლის მოსმენა ევროპაში ძალიან ბევრს სურს, და სწორედ ეს არის ის, რაც საქართველოს, როგორც ტურისტულად საინტერესო ქვეყანას, კიდევ უფრო მიმზიდველს ხდის. ეს გახლავთ გზავნილი დიდი აუდიტორიისათვის ევროპაში და იმედი გვაქვს, რომ ორ წელიწადში, როდესაც Europalia-ის ფესტივალი ჩატარდება, საქართველოს სილამაზე, სიმდიდე, კულტურა და ისტორიაც წარმოჩენილი იქნება” – აღნიშნა ელჩმა ვიზიტის დროს.

კომენტარები
IMG.GE
მოწონება