IMG.GE IMG.GE ___________________________________ IMG.GE

წითელი ჯვრის საერთაშორისო კომიტეტმა როგორც მსოფლიო მასშტაბით, ასევე, ადგილობრივ დონეზე რესურსების მობილიზება და გადანაწილება მოახდინა, რათა შეძლებოდა COVID-19 პანდემიის პირობებში წარმოშობილ ყველაზე გადაუდებელ საჭიროებებზე რეაგირება. მედიკოსების მხარდაჭერა და დახმარება უმნიშვნელოვანესია, რადგან პირველ რიგში ისინი იმყოფებიან დაავადებით ინფიცირების რისკის ქვეშ, – აცხადებს მარია კარმენ ეჩესარეტა ინურიტეგი, ოკუპირებულ ცხინვალის რეგიონში წჯსკ-ს მისიის ხელმძღვანელი.

ეს დონაცია ადგილობრივ ხელმძღვანელობასთან კოორდინაციით განხორციელდა და გადაეცემა ქალაქებისა და სოფლების ჯანდაცვის სტრუქტურებს.

დონაცია მოიცავს დამცავ სათვალეებს, ხალათებს, რესპირატორებს, ხელთათმანებს, სადეზინფექციო საშუალებებს, პირბადეებსa და სხვა შესაბამის საშუალებებს, რომლებიც ადგილობრივ სამედიცინო პერსონალს დაეხმარება COVID-19-ის ფართო გავრცელებაზე რეაგირებაში. ამ დახმარების მატერიალური ღირებულება დაახლოებით 70 000 შვეიცარულ ფრანკს შეადგენს.

ჩვენ მუდმივ კავშირში ვიმყოფებოდით ჯანდაცვის საკითხებში პასუხისმგებელ პირებთან და თვალყურს ვადევნებდით, თუ რა სჭიროებები წარმოიშვებოდა COVID-19-თან დაკავშირებით, რათა დროული და სათანადო დახმარება გაგვეწია,“ – აღნიშნავს ქალბატონი ეჩესარეტა.

კომენტარის დატოვება
IMG.GE
გაზიარება