გიორგი გახარიას მოადგილე, ნათია მეზვრიშვილი სოციალურ ქსელში წერს, რომ “ქართული ოცნების” ხელისუფლებიდან წასვლის შემდეგ გააგრძელებენ დაწყებულ საქმეს, რასაც კორუფციასთან ბრძოლა ჰქვია.
ამის შესახებ პოსტს მეზვრიშვილი ფეისბუქში აქვეყნებს:
“ოცნების” ძალაუფლება რომ შეიზღუდება, პირველ რიგში, იმ დაწყებულ საქმეს გავაგრძელებთ, რასაც კორუფციის წინააღმდეგ შეურიგებელი ბრძოლის ეროვნული პოლიტიკის პრიორიტეტად გამოცხადება ჰქვია (და რომლის ბოლომდე მიყვანა სამწუხაროდ, არ დაგვცალდა). ეს იქნება პირველი რიგის ამოცანა იმიტომ, რომ კორუფცია აფერხებს ყველაფერს, რაც ქვეყნის განვითარებასთან, უსაფრთხოებასთან და თითოეული მოქალაქის კეთილდღეობასთან არის დაკავშირებული.”– წერს მეზვრიშვილი.