,,დღეს, მაგალითად გაირკვა, რომ ერთ-ერთ ერთ ექიმი ქალბატონი, რომელიც ემოციურად საუბრობდა, რომ სააკაშვილი გადასარჩენია, არის იმ სისტემის ერთ-ერთი ზონდერის – გეგეჭკორის და,’’ – ამის შესახებ ,,ქართული ოცნების’’ თავმჯდომარემ ირაკლი კობახიძემ გადაცემა ,,იმედი LIVE’’ ეთერში განაცხადა.
როგორც კობახიძემ აღნიშნა, მათ სააკაშვილის გადასარჩენად აქვთ საკუთარი დღის წესრიგი, სადაც ზოგი ვიღაცის ბიძაშვილია და ზოგიერთი ვიღაცის და. როგორც კობახიძემ განაცხადა, მათი სურვილია სააკაშვილის საქმე დარჩეს სამართლებრივ ჩარჩოებში.
,,ამ სიღრმეებში შესვლაც არ მინდა. ამიტომ, ვამბობ რომ იმათ აქვთ საკუთარი პოლიტიკური დღის წესრიგი. ყავთ დაქირავებული ლობისტები. პიარ კამპანიას აწარმოებენ, ექიმებზე მუშაობენ. ჩვენ ელემენტარულად ისიც არ გვიკადრია, რომ მათ რომ ყავთ თავისი ექიმი, გეგეჭკორის და, ჩვენ გვყავდეს ექიმი ვიღაცა პეტრეს და პავლეს და. არ ვკადრულობთ ამას. არ გვინდა, რომ საერთოდ შევიდეთ ამაში. არც ლობისტურ კომპანიებს ვქირაობთ, რომ სააკაშვილის სიმულაციაში ვიღაცეები დავარწმუნოთ და ა.შ. არ გვინდა, საერთოდ არ შევდივართ ამ პოლიტიკურ დისკუსიაში. პოლიტიკური დისკუსიის საგნად ისინი აქცევენ ამ საქმეს და ჩვენ გვინდა დავტოვოთ სამართლებრივ ჭრილში,’’ – განაცხადა კობახიძემ.