IMG.GE IMG.GE ___________________________________ IMG.GE

ჩემი აზრით, მათ რეალურად ილუზიაც კი არ აქვთ, რომ შეიძლება რაიმე ისეთ წარმატებას მიაღწიონ, რომ საუბარი იყოს მთავრობის დაკომპლექტებაზე – ამის შესახებ საპარლამენტო უმრავლესობის წევრის მამუკა მდინარაძემ ოპოზიციაზე საუბრისას განაცხადა.

„ისინი უნდა მოემზადონ 2024 წლის საპარლამენტო არჩევნებისთვის, თუმცა ჩვენ ყველა ვარიანტში დიდი პასუხიგებლობით ვუდგებით არჩევნების საკითხს. თუ მათ ეყოლებათ საერთო მაჟორიტარები, შეგვიძლია, ვარაუდი გამოვთქვათ, რომ პირველ ტურში ყველაფერი დასრულდება „ქართული ოცნების“ გამარჯვებით, ხოლო თუ საერთო კანდიდატებზე ვერ შეჯერდებიან, შესაძლებელია, რამდენიმე ოლქში მეორე ტურიც კი გახდეს საჭირო, რომ „ქართული ოცნების“ მაჟორიტარმა ოპიზიციის წარმომადგენელი დაამარცხოს.

მათ თავიანთი დღის წესრიგი და გარკვეული უთანხმოება აქვთ ე.წ. ოპოზიციურ ერთობაში, ვინ იქნება წარმომადგენელი და როგორ გაინაწილებენ ადგილებს. ჩემი აზრით, მათ რეალურად ილუზიაც კი არ აქვთ, რომ შეიძლება რაიმე ისეთ წარმატებას მიაღწიონ, რომ საუბარი იყოს მთავრობის დაკომპლექტებაზე“,– აღნიშნა მამუკა მდინარაძემ.

კომენტარის დატოვება
IMG.GE