უშუისტთა ნაკრების წევრი დედოფლისწყაროელი საბა ბუთხუზი ევროპის ჩემპიონია საქართველოს უშუისტთა ნაკრებმა საბერძნეთის ქალაქ ლუთრაკიონში გამართულ ევროპის ჩემპიონატზე სამი ოქროს მედალი მოიპოვა. ჩემპიონთა შორის არის 14 წლის დედოფლისწყაროელი სპორტსმენი საბა ბუთხუზი (მწვრთნელი გიორგი ცისკარაული ).
საბას მიღწეული წარმატება დედოფლისწყაროს მუნიციპალიტეტის მერმა ნიკოლოზ ჯანიაშვილმა და საკრებულოს თავმჯდომარე ნუგზარ პაპიაშვილმა მიულოცეს და შემდგომი წარმატებები უსურვეს. ახალგაზრდა სპორტსმენი 2 დეკემბერს ინდონეზიაში მიემგზავრება, სადაც მსოფლიო ჩემპიონატში მიიღებს მონაწილეობას. კონტინენტის ჩემპიონის ტიტულის მოპოვებისთვის საბა ბუთხუზი დედოფლისწყაროს მუნიციპალიტეტის ბიუჯეტიდან საჩუქრად 3 000 ლარს მიიღებს, ხოლო მსოფლიო ჩემპიონატზე გამარჯვების შემთხვევაში მას 5000 ლარი გადაეცემა.