თორნიკე რიჟვაძე: აჭარის ექვსივე მუნიციპალიტეტში გვყავს იმდენად ღირსეული კანდიდატები, რომ გამარჯვება გარდაუვალია

54
წაკითხვა/ნახვა
IMG.GE

„აჭარის ექვსივე მუნიციპალიტეტში გვყავს იმდენად ღირსეული კანდიდატები, რომ გამარჯვება გარდაუვალია. მე ალბათობას იმისა, რომ მეორე ტურები შეიძლება იყოს აჭარაში, თითქმის გამოვრიცხავ“ – აღნიშნა აჭარის მთავრობის თავმჯდომარემ, თორნიკე რიჟვაძემ, სატელევიზიო ინტერვიუში, სადაც წინასაარჩევნო გარემოსა და „ქართული ოცნების“ სავარაუდო შედეგებზე ისაუბრა.

თორნიკე რიჟვაძის თქმით, 2 ოქტომბერს, ყველა მუნიციპალიტეტში პირველივე ტურში გაიმარჯვებენ „ქართული ოცნების“ კანდიდატები და პარტია გააუმჯობესებს 2020 წლის საპარლამენტო არჩევნებზე მიღებულ შედეგებს.

„თვითმმართველობის არჩევნები, სადაც პირდაპირი წესით ირჩევა ქალაქის და მუნიციპალიტეტის მერი, არის ჩვენი ხელისუფლების ერთ-ერთი წინ გადადგმული ნაბიჯი და გარანტი, რომ მთელ ვერტიკალში, მთელ უწყებებში გაკეთდება ის საქმე, რომელსაც ელიან მოქალაქეები ჩვენგან. ეს გაუთავებელი არჩევნები, ეს წინასაარჩევნო დუღილი, რომელსაც ჩვენი ქვეყნის მიმართ მტრულად განწყობილი ოპონენტებისგან ვხედავთ, დასრულდება და ყველას მიეცემა საშუალება გამოიჩინოს თავი საქმეში და ემსახუროს ხალხს ღირსეულად და კეთილსინდისიერად. შემდეგი წლები იქნება ქვეყნის მშვიდობიანი და სტაბილური განვითარების გარანტი,“ – განაცხადა თორნიკე რიჟვაძემ.

კომენტარები
რეკლამა ____________ IMG.GE
მოწონება