თბილისის საქალაქო სასამართლოში დღეს მიხეილ სააკაშვილის კიდევ ერთი პროცესი გაიმართა, რომელზე ის ტრადიციულად სიტყვით გამოვიდა, შემდეგ დატოვა დარბაზი და საქმის განხილვა მის გარეშე გაგრძელდა. სხდომის დარბაზის დატოვებამდე მას ადვოკატები, ნიკა გვარამია და დიმიტრი საძაგლიშვილი ესაუბრებოდნენ, რა დროსაც მიკროფონში ისმის გვარამიას მითითება, რომ შეაქოს პროკურორი, ასევე, საძაგლიშვილიც მიმართავს და ეუბნება, რომ მოსამართლეც შეაქოს. ამის შემდეგ სააკაშვილი იწყებს მისი ადვოკატების მითითებების შესრულებას და აქებს როგორც მოსამართლეს, ასევე პროკურორს.
როგორც ჩანს, სააკაშვილის ადვოკატებმა ახალი ტაქტიკა აირჩიეს.