გადაუდებელი დახმარების განყოფილებას 50-დან 60 პაციენტამდე აკითხავს. ჩივილებია – ცხელება, ცხვირიდან გამონადენი, ხველა. თან შეუპოვარი ცხელება, რომელიც არ ექვემდებარება სიცხის დამწევ საშუალებებს, – ამის შესახებ ციციშვილის ბავშვთა ახალი კლინიკის სამედიცინო დირექტორმა მაია ჩხაიძემ განაცხადა.
მისი თქმით, მცირეწლოვნებში ვირუსის მართვის პროცესში, სასურველია ექიმი ჩაერთოს.
„თუ ბავშვი არის პატარა ასაკის, ასეთ ბავშვებში უფრო გავრცელებულია რესპირატორულ-სინციტიური ვირუსით გამოწვეული ბრონქიოლიტები და ასეთი ბავშვები ჭამაზე უარს ამბობენ. ასეთ პატარა ასაკობრივ ჯგუფში, სასურველია, რომ ექიმის მიმართონ“, – განაცხადა ჩხაიძემ.