პრემიერი პრეზიდენტის მიერ კოალიციური მთავრობის ფორმირების შესახებ განცხადებაზე: ეს მისი პირადი მოსაზრებაა, შეიძლება გულისხმობდა 2024 წელს

331
წაკითხვა/ნახვა
IMG.GE

არჩევნების შედეგებს პატივი უნდა სცეს ჩვენი ქვეყნის უკლებლივ ყველა მოქალაქემ და არა მოქალაქემ, მათ შორის ჩვენმა საერთაშორისო საზოგადოებამაც, – ამის შესახებ ირაკლი ღარიბაშვილმა გადაცემაში „არჩევნები 2021“ განაცხადა. პრემიერ-მინისტრი ასევე პრეზიდენტ ზურაბიშვილის განცხადებას გამოეხმაურა, რომელმაც აღნიშნა, რომ საქართველოში კოალიციური მთავრობა აუცილებელია.

„ეს არის მისი პირადი მოსაზრება, შეიძლება მისი სურვილიც არის. არ ვიცი რას გულისხმობდა, არ მომისმენია მისი განცხადება. წავიკითხე, მაგრამ გასარკვევია კონტექსტი. შეიძლება მას მხედველობაში ჰქონდა, რომ 2024 წელს ამის რეალური შანსი შეიძლება არსებობდეს, ვინაიდან ქვეყანა გადადის სრულად პროპორციულ სისტემაზე და ამ პირობებში კოალიციური მთავრობის ფორმირების ალბათობა არის საკმაოდ მაღალი. შეიძლება ამას გულისხმობდა. მე არ მილაპარაკია ქალბატონ პრეზიდენტთან. როცა დაბრუნდება მექნება საუბარი“, – განაცხადა პრემიერმა.

კომენტარები
რეკლამა ____________ IMG.GE
მოწონება