„ნაციონალური მოძრაობის“ დაფინანსებაზე მითქმა-მოთქმა მხოლოდ თვენახევარია დაიწყო. მანამდე არც ერთმა პარტიის წევრმა არ იცოდა, მგონი მხოლოდ პარტიის თავმჯდომარეს ჰქონდა ინფორმაცია თურმე, რომ კეზერაშვილი რაიმე სახით მონაწილეობას ღებულობდა პარტიის დაფინანსებასა და ფანდრაიზინგში , – ამის შესახებ „ნაციონალური მოძრაობის“ წევრმა, ლევან ბეჟაშვილმა ჟურნალისტებს განუცხადა.
„ახლა, ამ თვენახევრის განმავლობაში განა რა ქონება უნდა დაეგროვებინა კირკიტაძეს, რომ ასეთი შეთქმულების თეორიის განვითარების საფუძველი ყოფილიყო? ვფიქრობ, რომ ეს არაფერ შუაშია: დავით კირკიტაძეს აქვს თავისი ქონება და ამ ქონებას ასაბუთებს, რაც მთავარია“, – აღნიშნა ბეჟაშვილმა.